త్రివిక్రమ్ శ్రీనివాస్ దర్శకుడిగా మహేష్ బాబు తో ఓ మూవీ చేయమన్నాడు. ఈ మధ్య దీనికి సంబంధించిన అఫీషియల్ ప్రకటన కూడా వెలువడింది. ఈ సినిమాకి ‘పార్థు’ అనే టైటిల్ ను సెట్ చేయనున్నట్టు వార్తలు వస్తున్నాయి. ‘అతడు’ సినిమాలో మహేశ్ బాబు పాత్ర పేరు ‘పార్థు’. అందువలన ఆ పాత్ర పేరునే ఆయన ఈ సారి టైటిల్ గా పెడుతున్నాడని అనుకున్నారు.
అయితే ‘అతడు’ సినిమాకి ముందునుంచే ‘పార్థు’ అనే పేరు అంటే త్రివిక్రమ్ కి ఇష్టమట. అందుకు కారణం ‘యద్దనపూడి సులోచనారాణి’ నవలలు అంటే త్రివిక్రమ్ కి చాలా ఇష్టం .. ఆ నవలల్లో ‘పార్థు’ అనే నవల అంటే ఆయనకి మరింత ఇష్టమట. అందువల్లనే ఆయన ‘అతడు’ సినిమాలో మహేశ్ బాబు పాత్రకి ఆ పేరును పెట్టాడట. ఇక ఆ తరువాత ఎప్పటికైనా ‘పార్థు’ టైటిల్ తో ఓ సినిమా చేయాలని ఆయన చాలా కాలం క్రితమే నిర్ణయించుకున్నాడట. అది ఇప్పటికి .. ఇలా కుదిరింది. ఈ లోగా ఎంతమంది దర్శక నిర్మాతలు ఆ టైటిల్ ను అడిగినా త్రివిక్రమ్ ఇవ్వలేదట. ఆయనకి ఆ పేరు అంటే అంత ఇష్టమన్న మాట!. చూడాలి మరి ఈ సినిమాకు నిజంగానే అదే టైటిల్ పెడుతారేమో.