ఛలో సినిమా తో దర్శకుడిగా పరిచయమయ్యాడు వెంకీ కుడుముల. అలాగే గతేడాది నితిన్ హీరోగా వచ్చిన భీష్మ సినిమాతో మరో హిట్ ను తన ఖాతాలో వేసుకున్నాడు. అయితే ఇప్పుడు ఈ డైరెక్టర్ సూపర్ స్టార్ మహేష్ బాబుతో కలిసి పని చేయబోతున్నారు. అయితే ఆ సినిమాలో మహేష్ బాబు హీరోగా చేయట్లేదు. ఇటీవల జాతి రత్నాలు సినిమాతో యూత్ లో మంచి ఫాలోయింగ్ తెచ్చుకున్న నవీన్ పొలిశెట్టి హీరోగా వెంకీ కుడుముల సినిమా చేయబోతున్నాడు.
కామెడీ ఎంటర్ టైనర్ గా తెరకెక్కుతున్న ఈ చిత్రంను సూపర్ స్టార్ మహేష్ బాబు నిర్మించబోతున్నారట. అయితే ఈ విషయంపై అధికారికంగా మాత్రం ప్రకటన రాలేదు. క్లారిటీ రావాలంటే మాత్రం ఎవరో ఒకరు స్పందించాల్సిందే. మహేష్ బాబు ప్రస్తుతం పరశురామ్ దర్శకత్వంలో సర్కారు వారి పాట సినిమా చేస్తున్నాడు.