న‌టులు ఉదయనిధి స్టాలిన్.. ఫాహద్ ఫాజిల్ ప్ర‌ధాన పాత్ర‌లు పోషించిన చిత్రం మామన్నమ్. పొలిటికల్ థ్రిల్లర్ గా ద‌ర్శ‌కుడు మారి సెల్వ‌రాజ్ తెర‌కెక్కిస్తున్నాడు.కీర్తిసురేష్ హీరోయిన్‌గా నటిస్తున్న ఈ సినిమాను రెడ్‌ జియాంట్ బ్యానర్‌పై ఉదయనిధి స్టాలిన్ నిర్మిస్తున్నాడు. ఈ సినిమా జూన్‌ 29న ప్రేక్షకుల ముందుకు రానుంది.ఈ క్రమంలో మేకర్స్ మామన్నమ్ ట్రైలర్‌ను రిలీజ్ చేశారు. లెటెస్ట్‌గా రిలీజైన ట్రైలర్ ఉత్కంఠ భరితంగా సాగింది. పరియారుమ్‌ పెరుమాళ్, కర్ణన్ మాదిరిగానే ఈ సినిమా కూడా ఒక డార్క్‌ మోడ్‌లో సినిమా సాగుతున్నట్లు స్పష్టమయింది. ఒక పొలిటీషియన్‌కు, సాధారణ మధ్య తరగతి తండ్రికి మధ్య జరిగే రివేంజ్‌ స్టోరీలా అనిపిస్తుంది. ఆ పగను కొడుకుతో పాటు తీర్చుకోవాలనుకుంటున్నట్లు హీరోతో వాళ్ల నాన్న చెప్పే డైలాగ్స్‌ వింటే స్పష్టమయింది. యాక్షన్ కూడా పుష్కలంగా దట్టించినట్లు తెలుస్తుంది. ఫాహద్ ఫాజిల్‌కు, ఉదయనిధి స్టాలిన్‌కు మధ్య వచ్చే సన్నివేశాలు సినిమాకే హైలెట్‌గా నిలవబోతున్నట్లు ఇన్‌సైడ్‌ టాక్‌.
