దేశంలో కరోనా సెకండ్ వేవ్ తీవ్రత రోజురోజుకీ పెరుగుతోంది. ఈ మహమ్మారి బారిన లక్షలమంది పడుతున్నారు.అలాగే వేలల్లో ప్రతిరోజు చనిపోతున్నారు. అందులో సామాన్య ప్రజలతో పాటు సినీ రాజకీయ ప్రముఖులు కూడా ఉంటున్నారు. ఇక తాజాగా ఈ మహమ్మారి బారిన పడి దిగ్గజ సంగీతదర్శకుడు శ్రవణ్ రాథోడ్ తుదిశ్వాసవిడిచారు. కరోనా కారణంగా గత కొన్ని రోజులుగా ఆసుపత్రిలో చికిత్స పొందుతున్న ఆయన… నిన్న రాత్రి ముంబైలోని ఆసుపత్రిలోనే మృతి చెందారు.
ఈ విషయాన్ని ఆయన కుటుంబ సభ్యులు అధికారికంగా ప్రకటించారు. బాలీవుడ్ లో 1990 ప్రేక్షకులకు నదీప్ సైఫీ మరియు శ్రవణ్ రాథోడ్ ల జోడీ ఎన్నో సూపర్ హిట్ చిత్రాలకు సంగీతాన్ని అందించాయి. ఇద్దరి కాంబినేషన్ లో అనేక హిట్లు కూడా వచ్చాయి. 2005 వరకు ఇద్దరు కలిసి అద్భుతమైన సంగీతం ఇచ్చారు. ఆ తరువాత వేరువేరుగా సినిమాలు చేశారు. అయితే మునుపటిలా మాత్రం ఆకట్టుకోలేకపోయారు.