దీపావళి సందర్భంగా టాలీవుడ్ యంగ్ హీరో కిరణ్ అబ్బవరం ‘క’ సినిమాతో ప్రేక్షకుల ముందుకు వచ్చి భారీ విజయాన్ని అందుకున్నాడు. సస్పెన్స్ థ్రిల్లర్ కథకు ఊహించని క్లైమాక్స్ ఇచ్చి అందరినీ ఆశ్చర్యపరిచాడు. ఈ సినిమా ఏపీ, తెలంగాణల్లో 50 కోట్లకు పైగా గ్రాస్ కలెక్షన్లు సాధించి కిరణ్ కెరీర్‌లోనే భారీ హిట్‌గా నిలిచింది.
ఇదిలా ఉంటే ఇప్పుడు ఈ సూపర్ హిట్ సినిమా ఓటీటీలోకి రాబోతోంది. తెలుగు ఓటీటీ సంస్థ ఈటీవీ విన్ ఈ విషయాన్ని అధికారికంగా ప్రకటించింది. ఈ మూవీ నవంబర్ 28 నుండి ఈటీవీ విన్ లో ప్రసారం కానుంది.