విభిన్న‌మైన క‌థ‌లు..పాత్ర‌ల‌కి కేరాఫ్ అడ్ర‌స్ గా మారాడు హీరో కార్తికేయ గుమ్మ‌కొండ. హీరోగా చేస్తూనే విల‌న్ గా ప్రేక్ష‌కుల‌ని మెప్పిస్తున్నాడు. ఆయన న‌టించిన తాజా చిత్రం రాజా విక్ర‌మార్క. ఈ సినిమాని శ్రీ సరిపల్లి తెర‌కెక్కిస్తున్నాడు. ప్రశాంత్ విహారి ఈ సినిమాకి సంగీతాన్ని అందించాడు. తాజాగా ఈ సినిమా ట్రైలర్ రిలీజ్ చేశారు. ఇందుకు సంబంధించిన అధికారిక పోస్టర్ ను తాజాగా రిలీజ్ చేశారు. చిత్ర ట్రైలర్ లో వీడికి బ‌లుపు ఎక్కువ అని హీరోని ఉద్దేశించి అంటే బ‌లుపు కాదు దూల..అని త‌నికెళ్ళ భ‌ర‌ణి..అంటారు..రెండింటికి తేడా ఏంటీ బాబాయ్ అని కార్తికేయ అడుగ‌డంతో ట్రైలర్ ప్రారంభ‌మ‌యింది.
ట్రైలర్ అంతా కామెడీతో కొన‌సాగింది. ఈ సినిమాతో తప్పకుండా హిట్ కొడతాననే నమ్మకంతో కార్తికేయ ఉన్నాడు. మరి ఆయన నమ్మకాన్ని ఈ సినిమా ఎంతవరకూ నిలబెడుతుందో చూడాలి. ఈ చిత్రం యాక్షన్ థ్రిల్లర్ జోనర్ లో రూపొందింది. కార్తికేయ సరసన హీరోయిన్ గా తాన్య రవిచంద్రన్ కనిపించనుంది. నవంబర్ 12వ తేదీన ఈ సినిమాను థియేటర్లలో విడుదల చేయనున్నారు.