కన్నడ నటుడు రిషబ్ శెట్టి స్వ‌యం దర్శకత్వంలో వ‌చ్చిన ‘కాంతారా’ బాక్సాఫీస్‌ను ఓ రేంజ్‌లో షేక్ చేసింది. ఇదిలా ఉంటే ఆ సినిమాకు ప్రీక్వెల్ గా కాంతారా చాప్టర్-1ని తెరకెక్కిస్తున్న సంగతి తెలిసిందే. ఈ ప్రీక్వెల్ కు సంబంధించి ఇప్పటికే విడుదలైన కాంతారా చాప్టర్ 1 ఫస్ట్ లుక్, టీజర్ సినిమాపై క్యూరియాసిటీని పెంచుతున్నాయి. తాజాగా ఈ మూవీ రిలీజ్ డేట్ ప్రకటించారు మేకర్స్.
ఈ చిత్రాన్ని వ‌చ్చే ఏడాది 2025 అక్టోబర్ 2న ప్రపంచవ్యాప్తంగా గ్రాండ్‌గా విడుదల చేస్తున్నట్టు ప్రకటించారు. ప్రీక్వెల్ ను కూడా హోంబలే ఫిల్మ్స్ బ్యానర్‌పై విజయ్ కిరంగదూర్ నిర్మిస్తుండ‌గా.. ఈ చిత్రం కన్నడ, తెలుగు, హిందీ, తమిళం, మలయాళం, బెంగాలీ, ఇంగ్లీష్ భాషల్లో విడుదల కానుంది.