హీరో మంచు విష్ణు డ్రీమ్ ప్రాజెక్ట్‌గా తెరకెక్కతున్న భారీ బ‌డ్జెట్ మూవీ ‘కన్నప్ప’. మైథలాజికల్‌ డ్రామాగా వస్తున్న ఈ సినిమాను అత్యంత ప్రతిష్టాత్మంకగా పాన్‌ ఇండియాగా తీసుకురాబోతున్నారు. ప్రస్తుతం శరవేగంగా షూటింగ్‌ జరుపుకుంటున్న ఈ సినిమా నుంచి వస్తున్న ఒక్కొక్కొ అప్‌డేట్‌ మూవీపై అంచనాలు పెంచేస్తోంది. ఈ క్రమంలో కన్నప్ప టీజర్‌పై తాజాగా మూవీ టీం అప్‌డేట్‌ ఇచ్చింది. ఇండియాలో కన్నప్ప టీజర్ రిలీజ్ ముహుర్తం ఫిక్స్ చేసినట్టు ప్రకటించారు. జూన్‌ 14న కన్నప్ప టీజర్‌ను రిలీజ్ చేస్తున్నట్టు వెల్లడించారు.
ఇక హిందీలో మహాభారత సిరీస్ తీసిన ముఖేష్ కుమార్ సింగ్ ఈ సినిమాకి దర్శకత్వం వహిస్తుండగా.. అవా ఎంటర్టైన్మెంట్, 24 ఫ్రేమ్స్ ఫ్యాక్టరీ పతాకంపై మోహన్ బాబు తెరకెక్కిస్తున్నాడు. పరుచూరి గోపాల కృష్ణ, బుర్రా సాయి మాధవ్, తోట ప్రసాద్ స్క్రీన్‌ప్లే అందించగా.. మణిశర్మ, స్టీఫెన్ దేవాసి సంగీతం అందిస్తున్నారు.
ఇక కన్నప్పలో అన్ని ఇండస్ట్రీలకు చెందిన స్టార్‌ కాస్ట్‌ భాగం అవుతుంది. పాన్‌ ఇండియా స్టార్‌ ప్రభాస్‌, బాలీవుడ్‌ స్టార్‌ హీరో అక్షయ్‌ కుమార్, కన్నడ సూపర్‌ స్టార్‌ శివరాజ్‌కుమార్‌, మలయాళ మెగాస్టార్ మోహన్ లాల్, పద్మశ్రీ పురస్కార గ్రహీత – లెజెండరీ నటుడు – కలెక్షన్ కింగ్ మోహన్ బాబు, శరత్ కుమార్, మధుబాల, కాజల్‌ అగర్వాల్‌ వంటి భారీ తారగణం కన్నప్పలో కీలక పాత్రలు పోషిస్తున్నాయి.