నందమూరి కళ్యాణ్ రామ్ పుట్టినరోజు సందర్భంగా అభిమానులకు కళ్యాణ్ రామ్ వరుస ట్రీట్స్ ఇస్తున్నాడు. ఇప్పటికే గుహన్ దర్శకత్వంలో తన 20వ సినిమా చేయబోతున్నట్లు ప్రకటించిన కళ్యాణ్ రామ్…ఇప్పుడు 21వ సినిమాను అనౌన్స్ చేశాడు. నవీన్ మేడారం దర్శకత్వంలో కళ్యాణ్ రామ్ తన 21వ సినిమా చేయబోతున్నాడు. అలాగే ఈ సినిమాకు సంబంధించిన టైటిల్ తో పాటు ఫస్ట్ లుక్ ని కూడా చిత్రయూనిట్ తెలియజేసింది.
ఈ సినిమాకు డెవిల్ అనే టైటిల్ ని ఫిక్స్ చేశారు యూనిట్. అలాగే ది బ్రిటిష్ సీక్రెట్ ఏజెంట్ అనే ట్యాగ్ లైన్ ని కూడా ఇచ్చాడు దర్శకుడు. ఇక ఫస్ట్ లుక్ పోస్టర్ చూస్తుంటే ఇది బ్రిటిష్ కాలం నాటి కథ అని అర్థమవుతుంది. అలాగే కళ్యాణ్ రామ్ తుపాకి పట్టుకొని పంచే కట్టుతో కనిపించారు.