నంద‌మూరి హీరో కళ్యాణ్ రామ్ న‌టిస్తోన్న లేటెస్ట్ పీరియాడిక్ స్పై థ్రిల్ల‌ర్ మూవీ ‘డెవిల్’. గత ఏడాది సినీ ఇండ‌స్ట్రీలో వ‌న్ ఆఫ్ బిగ్గెస్ట్ హిట్ మూవీగా నిలిచిన ‘బింబిసార’తో మెప్పించిన కళ్యాణ్ రామ్.. ఈ ఏడాది అదే జోష్ లో మరో డిఫరెంట్ సినిమా అయిన డెవిల్ తో ప్రేక్షకుల ముందుకు రాబోతున్నారు. నవీన్ మేడారం దర్శకత్వంలో తెర‌కెక్కుతున్న ఈ మూవీని అభిషేక్ పిక్చ‌ర్స్ బ్యాన‌ర్‌పై అభిషేక్ నామా నిర్మిస్తున్నారు. ఇక ఈ సినిమాలో సంయుక్తా మీన‌న్ హీరోయిన్ గా న‌టిస్తోంది.
ఇక రీసెంట్‌గా విడుద‌లైన ఈ సినిమా గ్లింప్స్‌తో సినిమాపై ఉన్న అంచ‌నాలు నెక్ట్స్ రేంజ్‌కు చేరుకున్నాయి. ప్రేక్ష‌కులు, అభిమానులు ఈ సినిమా అప్‌డేట్స్ కోసం ఎంతో ఆస‌క్తిగా ఎదురుచూస్తుండ‌గా.. న‌వంబ‌ర్ 24న ప్ర‌పంచ వ్యాప్తంగా ఈ మూవీని భారీ ఎత్తున రిలీజ్ చేయ‌బోతున్న‌ట్లు ప్ర‌క‌టించారు మేక‌ర్స్.
ఈ మూవీని తెలుగు, హిందీ, త‌మిళ్‌, క‌న్న‌డ భాష‌ల్లో రిలీజ్ చేస్తున్నారు. శ్రీకాంత్ విస్సా ఈ సినిమాకి మాట‌లు, స్క్రీన్ ప్లే, క‌థ‌ను అందించారు. హ‌ర్ష‌వ‌ర్ధ‌న్ రామేశ్వ‌ర్ సంగీత ద‌ర్వ‌కత్వం వ‌హిస్తున్నారు.