జూనియర్ ఎన్టీఆర్, కొరటాల శివ చేస్తున్న ప్రాజెక్ట్ ఎన్టీఆర్30. ఈ మూవీ ఫస్ట్ షెడ్యూల్ కొన్ని వారాల క్రితం హైదరాబాద్‌లో ప్రారంభమైంది. కాగా, మూవీ షూటింగ్ శరవేగంగా సాగుతుంది. లేటెస్ట్ న్యూస్ ఏంటంటే ఎన్టీఆర్30 ఫస్ట్ షెడ్యూల్ కంప్లీట్ అయినట్టు తెలుస్తోంది. ఈ షెడ్యూల్‌లో కొన్ని యాక్షన్ బ్లాక్‌లు షూట్ చేశారు మేకర్స్.
ముందుగా అనుకున్న సమయానికే ఫస్ట్ షెడ్యూల్ చక్కగా ముగించినట్టు తెలుస్తోంది. అంతే కాకుండ ఔట్‌పుట్‌ పట్ల కూడా టీమ్‌ సంతృప్తిగా ఉన్నట్లు సమాచారం. మరికొద్ది రోజుల్లో తదుపరి షెడ్యూల్ ప్రారంభం కానుంది. ఎన్టీఆర్, జాన్వీ కపూర్‌ల సమక్షంలో ఈ షెడ్యూల్‌లో టాకీ భాగం చిత్రీకరించనున్నారు.