కీను రీవ్స్ నటించిన జాన్ విక్: చాప్టర్ 4 మార్చి 23న థియేటర్లలోకి వచ్చి దేశీయ, అంతర్జాతీయంగా అద్భుతమైన విజయాన్ని సాధించింది. దీంతో పాటు, ప్రస్తుతం జాన్ విక్ యూనివర్స్ ఆధారంగా ఒక సిరీస్ ని డెవ‌ల‌ప్ చేస్తున్నారు మేక‌ర్స్. ఈ అప్ కమింగ్ సిరీస్ కు ది కాంటినెంటల్: ఫ్రమ్ ది వరల్డ్ ఆఫ్ జాన్ విక్ అనే టైటిల్ ని ఫిక్స్ చేశారు. కాగా, ఈ టెలివిజన్ సిరీస్ కు ఆల్బర్ట్ హ్యూస్, షార్లెట్ బ్రాండ్‌స్ట్రోమ్ దర్శకత్వం వహించారు.
ఇక ఈ సిరీస్ ను సెప్టెంబర్ 22న యునైటెడ్ స్టేట్స్‌లో పీకాక్ సర్వీస్ ద్వారా ప్రీమియర్ చేయ‌డానికి రెడీగా ఉన్నారు. దాంతో పాటు భారతదేశంలోని ప్రేక్షకుల కోసం ఈ సిరీస్ అమెజాన్ ప్రైమ్ వీడియోలో ఏకకాలంలో రిలీజ్ చేయ‌నున్నారు. ఈ సిరీస్‌లో కోలిన్ వుడెల్, మెల్ గిబ్సన్, హుబర్ట్ పాయింట్ డు జోర్ ఇతరులు కీలక పాత్రలు పోషించారు.
అదనంగా, జాన్ విక్ 5 షూటింగ్ త్వరలోనే ప్రారంభం కానుంది. ఇక దీంతో ఫ్రాంచైజీలో లాస్ట్ పార్ట్ గురించి మరిన్ని వివరాల కోసం అభిమానులు ఆసక్తిగా ఎదురుచూస్తున్నారు.