Nani30 స్క్రిప్ట్‌పై.. మృణాల్ ఆసక్తికర వ్యాఖ్యలు

హీరో నాని30వ సినిమాలో ఛాన్స్ కొట్టింది హీరోయిన్ మృణాల్ ఠాగూర్ ..కాగా ఈ సినిమాకు సంబంధించి పూజా కార్యక్రమాలు కూడా జరిగాయి. కాగా మృణాల్ ఠాగూర్ బాలీవుడ్ సినిమా గుమరాహ్​లో పోలీస్ పాత్రలో నటిస్తోంది. ఏప్రిల్ 7న ఈ మూవీ విడుదల కానున్న నేపథ్యంలో ఓ ఇంటర్వ్యూలో పాల్గొంది మృణాల్‌. ఈ ఇంటర్వ్యూలో నేచురల్‌ స్టార్‌ నానితో చేయనున్న సినిమా Nani30 స్క్రిప్ట్‌పై ఆసక్తికర వ్యాఖ్యలు చేసింది. Nani30 సినిమా గురించి మాట్లాడుతూ తన జీవితంలో అంత మంచి స్క్రిప్ట్‌ను ఇప్పటి వరకు చదవలేదని మృణాల్ చెప్పింది. ఈ సినిమా తొలి షెడ్యూల్‌ పూర్తయినట్లు తెలిపింది. త్వరలోనే రెండో షెడ్యూల్‌ ప్రారంభమవుతుందని.. ఇంత మంచి సినిమాలో నటిస్తున్నందుకు చాలా ఆనందంగా ఉందని తెలిపింది. నాని 30వ చిత్రంతో సౌరవ్‌ అనే కొత్త దర్శకుడు ఇండస్ట్రీకి పరిచయమవుతున్నారు.మిగ‌తా వివ‌రాలు తెలియాల్సి ఉంది.