రెండేళ్ల విరామం తర్వాత పెద్ద ఎత్తున జరగబోతున్న ఇండియన్ ఫిల్మ్ ఫెస్టివల్ ఆఫ్ మెల్‌బోర్న్ (IFFM)లో భారత మాజీ కెప్టెన్ కపిల్ దేవ్ గౌరవ అతిథిగా కనిపించనున్నారు. రెండు సంవత్సరాలుగా వర్చువల్ విధానంలో జరిగిన ఈ ఉత్సవం ఇప్పుడు జనాల సందడితో ప్రారంభం కానుంది. ఇండియన్ ఫిల్మ్ ఫెస్టివల్ మెల్‌బోర్న్ 2022 (IFFM)కి గౌరవ అతిథిగా భారత లెజెండరీ క్రికెటర్ కపిల్ దేవ్‌ను ఆహ్వానించారు. 1983లో దేశానికి తొలి ప్రపంచకప్ గెలిపించే దిశగా కపిల్ దేవ్ నేతృత్వంలోని భారత క్రికెట్ జట్టు ప్రయాణాన్ని కబీర్ ఖాన్ స83’ మూవీకి దర్శకత్వం వహించారు.
‘‘IFFM 2022లో భాగమైనందుకు సంతోషిస్తున్నాను, నేను IFFM 2022లో భాగం కావాలని ఎదురు చూస్తున్నాను. భారతీయ సినిమాలో అత్యుత్తమమైన వాటిని జరుపుకోవడానికి ఇది ఒక గొప్ప వేదిక’’ అని కపిల్ చెప్పారు. IFFM విక్టోరియన్ రాజధానిలో 12-20 ఆగస్టు వరకు జరగనుంది. ప్రపంచం మహమ్మారి బారిన పడకముందు, 2019లో ఈ ఉత్సవాన్ని షారుఖ్ ఖాన్, అర్జున్ కపూర్, టబూ, విజయ్ సేతుపతి, రీమా దాస్, జోయా అక్తర్, కరణ్ జోహార్ వంటివారు హోస్ట్ చేశారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.