గౌతమ్ దర్శకత్వంలో షాహిద్ కపూర్ హీరోగా జెర్సీ చిత్రం హిందీలో రీమేక్ అవుతున్న సంగతి తెలిసిందే. అయితే ఈ సినిమా రిలీజ్ పై రకరకాల వార్తలు తెరపైకి వస్తున్నాయి.
మొన్నటి వరకు కరోనా కారణంగా మూతపడ్డ థియేటర్లు ప్రారంభమై గట్టిగా మూడు నెలలు కూడా కాలేదు. అంతే కాదు థియేటర్లో పెద్దగా సినిమాలు కూడా పడలేదు. ఇప్పుడు మళ్లీ సెకండ్ వేవ్ కారణంగా థియేటర్లు మూత పడ్డాయి. కాగా విడుదలకు సిద్ధంగా ఉన్న సినిమాలు మళ్లీ ఏం చేయాలో అర్థంకాని పరిస్థితిలో పడ్డాయి.
అయితే ఇప్పుడు జెర్సీ సినిమా కూడా అదే పరిస్థితి లో పడింది. ఈ నేపధ్యంలోనే డైరెక్ట్ గా ఓటీటీ లో రిలీజ్ చేయాలని చిత్ర యూనిట్ భావిస్తున్నట్టు తెలుస్తోంది. అలా అయితేనే నష్టపోకుండా ఉంటామని భావిస్తున్నారట. మంచి రేటు వస్తే సినిమాను ఓటిటి లో రిలీజ్ చేయడానికి సిద్ధంగా ఉన్నట్లు తెలుస్తోంది. ఇక ఈ సినిమాను బాలీవుడ్ నిర్మాత అమన్ గిల్ తో కలిసి అల్లు అరవింద్ దిల్ రాజు సూర్యదేవర నాగవంశం ఈ సినిమాను నిర్మిస్తున్నారు.