మలయాళ హీరోయిన్ అరుంధతి నాయర్ రోడ్డు ప్రమాదానికి గురైంది. తిరువనంతపురంలో స్కూటీపై వెళ్తుండగా కారు ఢీకొనడంతో ఆమె తీవ్రంగా గాయపడినట్లు సమాచారం. వెంటనే అరుంధతిని చికిత్స నిమిత్తం ఆస్పత్రికి తరలించగా, వైద్యులు ఆమెకు ఐసీయూలో వెంటిలేటర్‌పై చికిత్స అందిస్తున్నారు. ప్రస్తుతం ఆమె పరిస్థితి విషమంగా ఉన్నట్లు తెలుస్తోంది.
‘నా స్నేహితురాలు అరుంధతి నిన్న ప్రమాదానికి గురైంది. ఆమె పరిస్థితి విషమంగా ఉంది. ప్రస్తుతం ఆమె వెంటిలేటర్‌పై ప్రాణాలతో పోరాడుతోంది. ఆసుపత్రి ఖర్చులు భరించే ఆర్ధిక స్థోమత ఆమె కుటుంబానికి లేదు. మా వంతు కృషి చేస్తున్నాం. కానీ ఆమె చికిత్సకు అది సరిపోదు. మీరు కూడా ఆమె కుటుంబానికి సహాయం చేస్తే, ఆమెకు మెరుగైన వైద్యం అందుతుంది.’ అంటూ సీరియల్ నటి గోపిక అనిల్ సోషల్ మీడియా వేదికగా నెటిజన్లను అభ్యర్ధిస్తూ.. బ్యాంకు, ఫోన్‌ నంబర్‌ వివరాలను తెలిపింది.
