టాలీవుడ్ యంగ్ హీరో సందీప్ కిషన్ హిట్ ఫ్లాఫ్ లతో సంబంధంలేకుండా వరుస సినిమాలను చేసుకుంటూ పోతున్న సంగతి తెలిసిందే. ఇటీవల ఏ వన్ ఎక్స్ ప్రెస్ సినిమాతో ప్రేక్షకుల ముందుకు వచ్చాడు సందీప్. ప్రస్తుతం సందీప్ కిషన్ గల్లీ రౌడీ సినిమా చేస్తున్నాడు. కోన వెంకట్ సమర్పణలో జి. నాగేశ్వరరెడ్డి దర్శకత్వంలో తెరకెక్కుతున్న ఈ సినిమాను ఎంవివి సత్యనారాయణ నిర్మిస్తున్నారు. ఇక ఈ సినిమాలో సందీప్ కిషన్ సరసన నేహా శెట్టి హీరోయిన్ గా నటిస్తోంది.
అలాగే ఈ సినిమాలో రాజేంద్ర ప్రసాద్, బాబీ సింహ, పోసాని, వెన్నెల కిషోర్ ముఖ్య పాత్రలలో నటిస్తున్నారు. ఇక ఇటీవల ఈ సినిమా షూటింగ్ పూర్తయింది. కాగా తాజాగా నేడు సెన్సార్ కార్యక్రమాలను పూర్తి చేసుకుంది ఈ చిత్రం. ఈ చిత్రానికి యూ/ఏ సర్టిఫికేట్ ను జారీ చేసింది సెన్సార్ బోర్డ్. కాగా ఈ సినిమా ఆగస్టు లో రిలీజ్ చేయడానికి ప్లాన్ చేస్తున్నారు దర్శకనిర్మాతలు.