పూరి జగన్నాధ్ డైరెక్ష‌న్‌లో రౌడీ బోయ్ విజయ్ దేవరకొండ, బాలివుడ్ భామ అనన్య పాండే జంటగా నటించిన పాన్ ఇండియా సినిమా లైగర్. ఈ ఏడాది సినీ అభిమానుల్లో అత్యంత అంచనాలు పెంచిన సినిమాల్లో లైగర్ ఒకటి. ఈ సినిమాతో విజయ్ బాలీవుడ్‌లో, అనన్య సౌత్‌లో డెబ్యూట్ చేస్తున్నారు.. కాగా, ఈ సినిమా వీరిద్ద‌రికీ స్పెష‌ల్ అనే చెప్పాలి. ది గ్రేట్ బాక్స‌ర్ మైక్ టైసన్ కూడా ఈ మూవీలో ఓ స్పెష‌ల్ రోల్ చేస్తున్నారు.
అయితే పాన్ ఇండియా లెవెల్ లో తెర‌కెక్కుతున్న ఈ మూవీకి కరణ్ జోహార్ నిర్మాత బాధ్య‌త‌లు వ‌హించారు. సినిమా సెట్స్‌పైకి వెళ్లి.. షూటింగ్ కూడా పూర్తి చేసుకుంది. అయితే.. ఇప్ప‌టి వ‌ర‌కు ఈ సినిమా నుంచి అప్‌డేట్‌లు రాక‌పోవ‌డంతో అభిమానుల్లో నిరాశ నెల‌కొంది. మూవీకి సంబంధించిన అప్‌డేట్‌లు షేర్ చేయాల‌ని ఫ్యాన్స్ మేకర్స్‌ని అడుగుతున్నారు. కాగా, సినిమా నిర్మాతలు ఈ మూవీ ట్రైలర్‌ను త్వరలో విడుదల చేసే అవకాశం ఉంది.
జులై రెండో వారం లేదా మూడో వారంలో లైగర్ ట్రైలర్‌ను విడుదల చేయాల‌నే ఆలోచ‌న‌లో మేకర్స్ ఉన్న‌ట్టు తెలుస్తోంది. ఆగస్ట్ 25న విడుదల కానున్న ఈ సినిమాను ప్రమోట్ చేసేందుకు అదే స‌రైన సమయంగా భావిస్తున్న‌ట్టు స‌మాచారం. ఇటీవల, విజయ్ జూన్ 22న తన ట్విట్ట‌ర్ ఎకౌంట్ లో ఆసక్తిక‌ర‌మైన పోస్ట్ చేశాడు. “Know that I hear you.. your man has always got a plan. “10” #Liger (sic).” అని ట్వీట్ చేశాడు.
త‌మ అభిమాన హీరో ఈ ట్వీట్ చేసినప్పటి నుండి, ఫ్యాన్స్ లైగర్ కు సంబంధించిన అప్‌డేట్ కోసం ఎదురుచూస్తున్నారు. కాగా.. ఈ సినిమాలో విజయ్, అనన్యతో పాటు, రమ్యకృష్ణ, రోనిత్ రాయ్, అలీ, మకరంద్ దేశ్‌పాండే, విష్ణు రెడ్డి కూడా ఉన్నారు. లైగర్ ఆగస్ట్ 25, 2022న థియేటర్లలో విడుదల కానుంది.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.