తకాషి యమజాకి దర్శకత్వంలో 2023 నవంబర్‌లో విడుదలైన బ్లాక్‌బస్టర్ మూవీ ‘గాడ్జిల్లా మైనస్ వన్. ఈ సినిమాలోని విజువల్ ఎఫెక్ట్స్ ఆడియెన్స్‌కు సరికొత్త అనుభూతిని పంచాయి. అయితే, ఇండియన్ థియేటర్స్‌లో రిలీజ్ కాని ఈ మూవీ నేరుగా ఓటీటీ స్ట్రీమింగ్‌కు వచ్చేసింది. ‘గాడ్జిల్లా మైనస్ వన్’ సినిమా నెట్ ఫ్లిక్స్ వేదికగా అందుబాటులోకి వచ్చింది. ఈ సినిమా ఇవాళ ఉదయం నుంచే నాలుగు జపాన్, ఇంగ్లీష్, హిందీ, తమిళం భాషల్లో స్ట్రీమింగ్ అవుతోంది.
‘గాడ్జిల్లా’ ప్రాచైజీలో ఇప్పటి వరకు చాలా సినిమాలు వచ్చాయి. అందులో భాగంగా వచ్చిన 37వ సినిమా ‘గాడ్జిల్లా మైనస్ వన్’. ఈ సినిమా ప్రపంచ వ్యాప్తంగా సత్తా చాటి.. కలెక్షన్ల వర్షం కురిపించింది. ఈ సినిమా రూ.120 కోట్ల బడ్జెట్ తో తెరకెక్కగా, ఏకంగా రూ. 660 కోట్ల రూపాయలు వసూళు చేసింది. బాక్సాఫీస్ దగ్గర సరికొత్త రికార్డులు నెలకొల్పింది. అంతే కాకుండా ఈ ఏడాది ఈ సినిమాకు బెస్ట్ విజువల్ ఎఫెక్ట్స్ విభాగంలో ఆస్కార్ అవార్డు కూడా దక్కింది.