విద్యాధర్ కాగిత దర్శకత్వంలో విశ్వక్ సేన్ ప్రాధ‌న పాత్ర‌లో తెర‌కెక్కిన ఫాంటసీ ఎడ్వెంచర్ మూవీ ‘గామి’. మార్చ్ 8న థియేటర్స్ లో గ్రాండ్ గా రిలీజయిన ఈ సినిమా మంచి టాక్ తో దూసుకుపోతుంది. ఓ సరికొత్త కాన్సెప్ట్, స్క్రీన్ ప్లేతో ప్రయోగాత్మకంగా, హాలీవుడ్ విజువల్స్ తో అందర్నీ మెప్పిస్తుంది గామి.
కాగా, మొదటి రోజే 9.07 కోట్ల గ్రాస్ కలెక్షన్స్ వసూలు చేసి అందర్నీ ఆశ్చర్యపరిచింది. రెండు రోజుల్లో 15 కోట్ల గ్రాస్ కలెక్ట్ చేయగా మూడు రోజుల్లో గామి సినిమా 20.3 కోట్ల గ్రాస్ కలెక్షన్స్ వసూలు చేసింది. అంటే ఆల్మోస్ట్ 10 కోట్లకు పైగా షేర్ కలెక్షన్స్ సాధించింది. థియేట్రికల్ రైట్స్ 9 కోట్లకు పైగా అమ్ముడు పోయాయి. సినిమా బ్రేక్ ఈవెన్ సాధించాలంటే 10 కోట్లకు పైగా షర్ కలెక్షన్స్ సాధించాలి.
మూడు రోజుల్లోనే ఈ కలెక్షన్స్ సాధించి సక్సెస్ తో దూసుకుపోతుంది. అన్ని ఏరియాలలో గామి బ్రేక్ ఈవెన్ అయ్యి ప్రాఫిట్స్ లో ఉంది. అమెరికాలో కూడా హాఫ్ మిలియన్ డాలర్స్ దాటేసింది. దీంతో గామి ఇంత మంచి విజయం సాధించినందుకు మూవీయూనిట్ సంతోషం వ్యక్తం చేస్తున్నారు. ఈ వారం పెద్ద సినిమాలు ఏమి లేకపోవడంతో గామి కలెక్షన్స్ మరింత పెరిగే అవకాశం ఉంది.