దర్శకుడు శంకర్ షణ్ముగం దర్శకత్వంలో రామ్ చరణ్ హీరోగా తెర‌కెక్కుతున్న మూవీ గేమ్ ఛేంజర్. కాగా, ఎంతో ఆసక్తిగా ఎదురుచూస్తున్న టాలీవుడ్ పొలిటికల్ థ్రిల్లర్ మూవీ మళ్లీ వార్తల్లోకి వచ్చింది. రామ్ చరణ్, కియారా అద్వానీ ప్రధాన పాత్రల్లో న‌టిస్తొన్న ఈ మూవీకి కొత్త షెడ్యూల్ ఈరోజు హైదరాబాద్‌లోని గచ్చిబౌలిలో ప్రారంభమైంది.
వికారాబాద్‌, శంషాబాద్‌లలో కూడా మినీ షెడ్యూల్ జరగనున్న‌ట్టు తెలుస్తోంది. ఈ షెడ్యూల్‌లో రామ్ చరణ్ తో పాటు ఇతర ముఖ్య నటీనటులు పాల్గొననున్నారు. గేమ్ ఛేంజర్‌లో అంజలి, శ్రీకాంత్, నవీన్ చంద్ర లాంటి ఇతర ప్రముఖ నటీనటులు కూడా ఉన్నారు. ఇక, దిల్ రాజు భారీ ఎత్తున నిర్మిస్తున్న ఈ సినిమాకి తమన్ సంగీతం అందిస్తున్నారు. మూవీ రిలీజ్ డేట్ తో పాటు ఇతర కీలకమైన వివరాలు త్వ‌ర‌లోనే వెల్ల‌డించ‌నున్నారు మేక‌ర్స్.