శంకర్ దర్శకత్వంలో గ్లోబల్ స్టార్ రామ్ చరణ్ నటిస్తున్న ‘గేమ్ ఛేంజర్’ సినిమా నుంచి అప్‌డేట్ వచ్చింది. వినాయక చవితి పండుగ సందర్భంగా ఈ సినిమా సెకండ్ సింగిల్ ను ఈ నెలలోనే విడుదల చేస్తామని చెప్పారు. ఈ మేర‌కు ఓ పోస్ట‌ర్ ను రిలీజ్ చేశారు మేక‌ర్స్.
ఇప్పటికే ఈ సినిమా నుంచి విడుదలైన ‘జరగండి’ సాంగ్ అందరినీ అలరించింది. సెకండ్ సింగిల్‌ను కూడా అదే స్థాయిలో ప్లాన్ చేశారు. ఈ సినిమాలో బాలీవుడ్ బ్యూటీ కియారా అద్వానీ హీరోయిన్ గా నటిస్తోండ‌గా.. ఈ సినిమాకి తమన్ సంగీతం అందిస్తున్నాడు. కాగా, ఈ ఏడాది క్రిస్మస్ కానుకగా డిసెంబర్ 20న ఈ చిత్రాన్ని విడుదల చేయనున్నట్టు ఇప్పటికే ప్రకటన వెలువడింది.