స్టార్ డైరెక్టర్ ప్రశాంత్ నీల్, యంగ్ టైగర్ ఎన్టీఆర్ కలిసి చేస్తున్న కొత్త సినిమా పూజా కార్యక్రమాలతో అట్టహాసంగా ప్రారంభమైంది. దర్శకుడు నీల్ సలార్ అనంతరం వెంటనే ఈ ప్రాజెక్టును సెట్స్ పైకి తీసుకు రావడం హాట్ టాపిక్ గా మారింది. రామానాయుడు స్టూడియోలో జరిగిన ఈ ప్రారంభ వేడుకకు ఇరు కుటుంబసభ్యులు, పలువురు సినీ ప్రముఖులు హాజరయ్యారు.
ఎలాంటి హడావుడి లేకుండా సినిమాను లాంచ్ చేయడం విశేషం. ఇక ఈ చిత్రానికి సంబంధించిన ఫోటోలు ప్రస్తుతం సోషల్ మీడియాలో విస్తృతంగా చక్కర్లు కొడుతున్నాయి, ‘#NTRNeel’ హ్యాష్ ట్యాగ్ కూడా వైరల్ గా మారింది. ప్రశాంత్ నీల్, “కేజీఎఫ్” మరియు “సలార్” వంటి విజయవంతమైన చిత్రాలతో ప్రేక్షకులను మెప్పించిన తరువాత, ఎన్టీఆర్‌తో కలిసి చేస్తున్న ఈ ప్రాజెక్ట్‌పై భారీ అంచనాలు నెలకొన్నాయి.
ప్రత్యేకంగా ప్రశాంత్ నీల్, ఎన్టీఆర్‌ని ఏ విధంగా చూపిస్తారన్నది అభిమానుల్లో తారస్థాయికి చేరుకుంది. ఇప్పటికే ఎన్టీఆర్ అభిమానులు, ఈ చిత్రాన్ని అత్యంత భారీ అంచనాలతో ఎదురుచూస్తున్నారు. ఈ చిత్రం యాక్షన్ ఎంటర్‌టైనర్‌గా ఉంటుందనుకునే ప్రేక్షకులకు ప్రశాంత్ నీల్ కొన్ని కొత్త విషయాలను తెలియజేశారు.
“నిజానికి ఇది యాక్షన్ సినిమాగా మాత్రమే ఉండదని, ఇందులో బలమైన ఎమోషన్స్, వైవిధ్యభరితమైన కథాంశం ఉంటుందని” ఆయన వెల్లడించారు. ఇది తనకు కూడా కొత్త తరహా కథ అని, ఈ ప్రాజెక్ట్ తనకు సవాలుగా ఉందని ప్రశాంత్ నీల్ తెలిపారు. ఇక ‘ఎన్టీఆర్ 31’ వర్కింగ్ టైటిల్‌తో మైత్రీ మూవీ మేకర్స్ ఈ సినిమాను నిర్మిస్తోంది. ఈ చిత్రానికి “డ్రాగన్” అనే టైటిల్‌ను ఖరారు చేసినట్లు టాక్ వినిపిస్తోంది.