మాస్ మహారాజా సరసన ‘జాతి రత్నం’

ఒక్క సినిమాతోనే పాపులర్ అయిన నటీనటుల జాబితాలో టాలీవుడ్‌లో పెద్దగానే ఉంటుంది.‘జాతిరత్నాలు’ సినిమాలో తనదైన నటన, స్మైల్‌తో కుర్ర ప్రేక్షకులను మెప్పించిన నటి ‘ఫరియా అబ్దుల్లా’. తొలి సినిమాతోనే మంచి ఫేమ్ తెచ్చుకున్న ఈ హైదరాబాద్ ముద్దుగుమ్మ అప్పుడే మరో ఆఫర్‌ను లైన్‌లో పెట్టేసింది. మాస్ మహారాజ్ రవితేజ పక్కన ఓ సినిమాలో ఫరియా నటించే అవకాశం ఉందని సమాచారం. ‘చిట్టీ నీ నవ్వంటే’ పాట ఈ నటి ఇమేజ్ పెంచగా.. ఈ పాట చూసిన మేకర్స్ ఈ అవకాశం ఇచ్చినట్లు ఫిలింనగర్‌లో టాక్ నడుస్తోంది. కాగా చిట్టీ సాంగ్ అప్పుడే యూట్యూబ్‌లో 27 మిలియన్ వ్యూస్ దాటేసింది.