అల్లు అర్జున్ హీరోగా క్రియేటివ్ డైరెక్టర్ సుకుమార్ దర్శకత్వంలో తెరకెక్కుతున్న చిత్రం పుష్ప.భారీ అంచనాల మధ్య తెరకెక్కుతున్న ఈ సినిమాలో అల్లు అర్జున్ లారీ డ్రైవర్ పుష్ప రాజ్ గా కనిపించబోతున్నాడు. ఇప్పటికే ఈ సినిమాకు సంబంధించిన టీజర్ ప్రేక్షకులను విశేషంగా ఆకట్టుకుంది. అలాగే ఈ సినిమాలో రష్మిక మందన హీరోయిన్ గా నటిస్తోంది.
మలయాళ స్టార్ నటుడు ఫహద్ ఫాజిల్ విలన్ గా నటించనున్నారు. ఇదిలా ఉండగా ఫహద్ పుట్టినరోజు సందర్భంగా చిత్ర యూనిట్ ఓ ఇంట్రెస్టింగ్ పోస్టర్ ని రిలీజ్ చేసింది. ఫహద్ ముఖాన్ని పూర్తిగా కనిపించకుండా… ఒక కన్ను ని హైలెట్ చేస్తూ… తనలోని ఈవిల్ నెస్ ని చూపిస్తూ పోస్టర్ ని రిలీజ్ చేశారు. అయితే ఫహద్ పాత్ర మొదటి పార్ట్ లో ఉంటుందా రెండో పార్ట్ లో ఉంటుందో అనేది తెలియాల్సి ఉంది. ఇక ఈ సినిమాకు దేవిశ్రీ ప్రసాద్ సంగీతం అందిస్తున్న సంగతి తెలిసిందే.