ఎడిటింగ్ వ‌ర్క్ స్టార్ట్ చేసిన.. ఉస్తాద్ భ‌గ‌త్ సింగ్ టీం

ప‌వ‌ర్ స్టార్ ప‌వ‌న్ క‌ల్యాణ్ ప‌లు ప్రాజెక్టుల‌తో బిజీగా ఉన్నాడు. వాటిల్లో ఒక‌టి ఉస్తాద్ భ‌గ‌త్ సింగ్. కాగా ద‌ర్శ‌కుడు హరీష్‌ శంకర్ తెర‌కెక్కిస్తున్న చిత్రం ఉస్తాద్ భగత్‌ సింగ్. ఈ చిత్రం ఇటీవలే హైదరాబాద్ షెడ్యూల్‌ పూర్తి చేసుకుంది. ఈ సినిమా మరోసారి వార్తల్లో నిలిచింది. తాజాగా ఉస్తాద్‌ భగత్‌ సింగ్‌ ఎడిటింగ్‌ వర్క్‌ మొదలైంది. డైరెక్టర్‌, నిర్మాతలు, టెక్నీషియన్ల బృందం పూజా కార్యక్రమంతో ఎడిటింగ్‌ వర్క్స్‌ మొదలుపెట్టారు. పూజా కార్యక్రమం ఫొటోలు ఇప్పుడు నెట్టింట్లో ట్రెండింగ్ అవుతున్నాయి. ఈ చిత్రంలో శ్రీలీల ఫీ మేల్ లీడ్ రోల్‌లో నటిస్తోంది. మైత్రీ మూవీ మేకర్స్‌ నిర్మిస్తోన్న ఈ చిత్రానికి దేవీ శ్రీ ప్రసాద్‌ సంగీతం అందిస్తున్నాడు. ఈ సినిమా విడుదల తేదీ, ఇతర వివరాలపై రానున్న రోజుల్లో స్పష్టత రానుంది. ఉస్తాద్‌ భగత్‌ సింగ్‌ కోసం ఆర్ట్‌ డైరెక్టర్‌ ఆనంద్‌ సాయి నేతృత్వంలో భారీ సెట్‌ వేసిన విషయం తెలిసిందే‌.