దసరా మూవీ సెట్ లో జ‌రిగిన ఫ‌న్నీ ఇన్సిడెంట్స్ ని రిలీజ్ చేస్తూ ఈ సినిమాపై అంచనాలు పెంచుతున్నారు మేక‌ర్స్.ఈ చిత్రంలో హీరోగా నాని..హీరోయిన్ గా కీర్తి సురేశ్ న‌టించారు. తాజాగా కీర్తిసురేశ్ దసరా సెట్లో గేదెలతో, మేకపిల్లతో, కోడితో ఆడుకుంటూ.. ఎంజాయ్‌ చేసిన వీడియోను ఇన్‌స్టాలో పోస్ట్ చేసింది. కీర్తికు మూగజీవాలంటే చాలా ఇష్టం. వాటితో ఏమాత్రం భయపడకుండా చనువుగా ఉంటూ.. సరదాగా గడిపింది. అయితే ఈ వీడియోలను నానీ తీస్తున్నట్టుగా కనిపించింది. దాంతో ఈ వీడియోస్ సోషల్ మీడియాలో తెగ వైరల్ అవుతున్నాయి. ప్రస్తుతం దసరా సినిమా రిలీజ్ కు రెడీగా ఉంది. నాని హీరోగా.. కీర్తి సురేష్ జంటగా నటించిన ఈసినిమాను శ్రీకాంత్‌ ఓదెల డైరెక్ట్ చేశాడు.
ఈ మూవీ రేపు (మార్చ్ 30) ప్రపంచ వ్యాప్తంగా 5భాషల్లో రిలీజ్ కాబోతోంది. ఇక ఇప్పటికే ఈసినిమా నుంచి రిలీజ్ అయిన టీజర్‌, ట్రైలర్‌లు సినిమాపై ఎక్కడలేని క్రేజ్‌ వచ్చింది. దసరాపై భారీ అంచనాలు ఉన్నాయి. పాన్ ఇండియా సినిమాగా రిలీజ్ అవుతుండటంతో.. పక్కాగా 100 కోట్లు వసూలు చేస్తుందని అంతా నమ్ముతున్నారు. రిలీజ్ కు నెల రోజులు ముందునుంచే ప్రమోషన్స్ తో దూసుకుపోయారు మూవీ టీమ్. అటు బాలీవుడ్ లో కూడా వరుసగా ఇంటర్వ్యూలు చేస్తూ.. తెగ హడావిడి చేశారు. తాజాగా కీర్తి సురేశ్ తన సోషల్ మీడియా ఖాతాలో ఓ వీడియో పోస్టు చేసింది. ఈ వీడియోలోనూ కీర్తి దసరా సినిమా ప్రమోషన్ చేసింది. ఈ వీడియోలో ముందుగా ఓ కోడి కనిపించింది. తర్వాత నాని ఎంటర్ అయి గుడ్మార్నింగ్ చెప్పారు. ఆ తర్వాత కీర్తి ఎంట్రీ ఇచ్చి విష్ చేసి రేపే దసరా సినిమా విడుదల అని ఇద్దరూ కలిసి చెప్పారు. ఈ వీడియోను చూస్తుంటే .. దసరా సినిమా సెట్లో తీసినట్లుగా ఉంది. ఇందులో కీర్తి, నాని.. ఈ మూవీలో కనిపించిన గెటప్లోనే కనిపించారు.