వెంకీ అట్లూరి దర్శకత్వంలో మలయాళ స్టార్ హీరో దుల్కర్ సల్మాన్ న‌టిస్తున్న మూవీ ల‌క్కీ భాస్క‌ర్‌. సితార ఎంటర్‌టైన్‌మెంట్స్‌, ఫార్చూన్‌ఫోర్ సినిమాస్‌ బ్యానర్స్ పై సూర్యదేవర నాగవంశీ, సాయి సౌజన్య లు ఈ చిత్రాన్ని నిర్మిస్తున్నారు. కాగా, ఈ మూవీ నుంచి ఇప్ప‌టికే విడుద‌లైన టీజర్, పాట‌ల‌కు మంచి స్పంద‌న వ‌చ్చింది. ఇక తాజాగా, మూవీ ట్రైలర్ ను రిలీజ్ చేశారు మేక‌ర్స్.
ట్రైలర్ ఆద్యంతం ఆకట్టుకునే విధంగా ఉంది. దుల్కర్ సల్మాన్ మరోసారి తన నటనతో అద‌ర‌గొట్టేశాడు. ఇక అందాల‌భామ మీనాక్షి చౌదరి కూడా తనదైన నటనతో ఆక‌ట్టుకుంది. జీవీ ప్రకాష్ సంగీతాన్ని అందిస్తున్న ఈ మూవీ దీపావ‌ళి కానుక‌గా అక్టోబ‌ర్ 31న తెలుగు, తమిళ్, హిందీ, మలయాళం భాషల్లో ఈ సినిమా ప్రేక్ష‌కుల ముందుకు రానుంది.