శంకర దర్శకత్వంలో రామ్ చరణ్ ప్ర‌ధాన పాత్రలో తెరకెక్కుతున్న సినిమా ‘గేమ్ ఛేంజర్’. పొలిటికల్ బ్యాక్‌డ్రాప్ తో రూపొందుతున్న ఈ మూవీని దిల్ రాజు భారీ స్థాయిలో నిర్మిస్తున్నారు. మూడేళ్లుగా నిర్మాణంలో ఉన్న ఈ సినిమాపై దిల్ రాజు లేటెస్ట్ అప్ డేట్ ఇచ్చారు. ఈరోజు ‘లవ్ మీ’ టీజర్ లాంచ్ ఈవెంట్ లో పాల్గొన్న దిల్ రాజు.. గేమ్ ఛేంజర్ అప్డేట్ ని ఇచ్చారు. “గేమ్ ఛేంజర్ అప్డేట్ అడుగుతున్న రామ్ చరణ్ ఫ్యాన్స్ అందరికి ఒక గుడ్ న్యూస్. చరణ్ పుట్టినరోజు నాడు ఒక క్రేజీ అప్డేట్ రాబోతుంది సిద్ధంగా ఉండండి” అంటూ వ్యాఖ్యానించారు. దీంతో చరణ్ అభిమానులు ఫుల్ ఖుషి అవుతున్నారు.
దాంతో పాటు బాలగం ఫేమ్ వేణు యల్దండి డైరెక్షన్‌లో నేచురల్ స్టార్ నాని నటిస్తున్న సినిమా గురించిన కూడా అప్డేట్ వచ్చింది. వేణు-నానిల ఈ సినిమాకి ‘ఎల్లమ్మ’ అనే టైటిల్ ను ఫిక్స్ చేసినట్లు ప్రకటించారు. త్వరలోనే ప్రొడక్షన్ హౌస్ నుంచి అధికారిక ప్రకటన రానుందని దిల్ రాజు వెల్లడించారు. దర్శకుడిగా వేణుకి ఇది రెండో సినిమా కావడంతో ప్రేక్షకులు, అభిమానుల్లో ఈ సినిమాపై ఆసక్తి నెలకొంది. ఈ సినిమాతో పాటు, నాని లైనప్‌లో OG దర్శకుడు సుజీత్‌తో ‘‘నాని 32’’.. వివేక్ ఆత్రేయ దర్శకత్వంలో ‘‘సరిపోదా శనివారం’’ సినిమాలు ఉన్నాయి.