అభిమానులు ఎప్పుడెప్పుడా అని ఎదురుచూస్తున్న ‘దేవర’ సెకండ్ సింగిల్ సాంగ్ ‘చుట్టమల్లె’ అనే లిరికల్ వీడియో సాంగ్ విడుదలైంది. మ్యాన్ ఆఫ్ మాస్ జూ.ఎన్టీఆర్, బాలీవుడ్ అందాల భామ జాన్వీ కపూర్ ఈ పాటతో పూర్తిగా రొమాంటిక్ మూడ్ లోకి తీసుకెళ్లారు. లిరికల్ వీడియో చూస్తుంటే ఈ పాటలో ఎన్టీఆర్, జాన్వీ కపూర్ ల కెమిస్ట్రీ నెక్స్ట్ లెవెల్ లో ఉండబోతోందని అర్థమవుతోంది.
రామజోగయ్య శాస్త్రి అందమైన సాహిత్యానికి అనిరుధ్ రవిచందర్ మెస్మరైజింగ్ మ్యూజిక్ అందించగా… ఈ పాటను సింగర్ శిల్పారావు అద్భుతంగా ఆలపించారు. ఇక స్టార్ డైరెక్టర్ కొరటాల శివ దర్శకత్వం వహిస్తున్న ఈ చిత్రాన్ని సెప్టెంబర్ 27న ప్రపంచ వ్యాప్తంగా విడుదల చేసేందుకు సన్నాహాలు చేస్తున్నారు.