ప్రభాస్ ప్ర‌స్తుతం వ‌రుస పాన్ ఇండియా సినిమాల‌తో బిజీ బిజీగా గ‌డుపుతున్నాడు. నాగ్ అశ్విన్ ద‌ర్శ‌క‌త్వం వ‌హిస్తున్న‘ప్రాజెక్ట్-K’ పాన్ వ‌ర‌ల్డ్ సినిమాగా తెర‌కెక్క‌నున్న సంగ‌తి తెలిసిందే.. అమితాబ్‌ బ‌చ్చ‌న్‌, దీపికా ప‌దుకొనే, దిశాప‌టానీ వంటి బాలీవుడ్ స్టార్‌లు ఈ చిత్రంలో న‌టించ‌నుండ‌టంతో ప్రేక్ష‌కుల‌లో భారీ స్థాయిలో అంచ‌నాలు నెల‌కొన్నాయి. ఈ చిత్రాన్ని అత్యంత భారీగా దాదాపు రూ.500కోట్ల భారీ బ‌డ్జెట్‌తో వైజ‌యంతీ మూవీస్ బ్యాన‌ర్‌పై అశ్వినీద‌త్ నిర్మిస్తున్నాడు.
ఈ క్ర‌మంలోనే ప్రభాస్ అభిమాని ఒక‌రు నాగ్ అశ్విన్‌ను ట్యాగ్ చేస్తూ ‘హాయ్ నాగ్ అశ్విన్ అన్నా గుర్తున్నామా’ అని ట్విట్టర్లో పేర్కొన్నాడు. దానికి నాగ్ అశ్విన్ స్పందించాడు ‘గుర్తున్నారు.. ఇప్పుడే ఒక షెడ్యూల్ పూర్తైంది. ప్రభాస్ ఇంట్రో బిట్ కూడా కంప్లీట్ అయ్యింది. ఈ షెడ్యూల్‌లో హీరో చాలా కూల్ గా కనిపిస్తున్నారు. జూన్ చివరి నుంచి తదుపరి షెడ్యూల్ ప్రారంభం కానుంది. రిలీజ్ ఆర్డర్ లో మనం లాస్ట్ కదా.. తరుచూ అప్డేట్స్ ఇవ్వడానికి సమయం ఉంది. కానీ ప్రాజెక్ట్- K కోసం అందరం ప్రాణం పెట్టి పని చేస్తున్నాం’ అంటూ ట్విట్టర్లో అభిమానికి బ‌దులిచ్చాడు. ఈ ట్వీట్‌పై ప్రభాస్ అభిమానులు ఖుషీ అవుతున్నారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..