టాలీవుడ్ సీనియ‌ర్ న‌టుడు నంద‌మూరి బాల‌కృష్ణ హీరోగా బాబీ కొల్లి ద‌ర్శ‌క‌త్వంలో వ‌చ్చిన ‘డాకు మ‌హారాజ్’ చిత్రం క‌లెక్ష‌న్లు కుమ్మేస్తోంది. బాక్సాఫీస్ వ‌ద్ద భారీ వ‌సూళ్లు రాబ‌డుతోంది. సంక్రాంతి కానుక‌గా ఆదివారం నాడు ప్రేక్ష‌కుల ముందుకు వ‌చ్చిన ఈ మూవీకి మూడు రోజుల్లో ప్ర‌పంచ‌వ్యాప్తంగా రూ.92 కోట్లకు పైగా గ్రాస్ వ‌చ్చిన‌ట్లు చిత్ర నిర్మాణ సంస్థ సితార ఎంట‌ర్‌టైన్‌మెంట్స్ తాజాగా ప్ర‌క‌టించింది. ఈ మేర‌కు ఎక్స్ (ట్విట్ట‌ర్‌) వేదిక‌గా ఓ ప్ర‌త్యేక పోస్ట‌ర్‌ను విడుద‌ల చేసింది.
“ఈ సంక్రాంతికి బ్లాక్‌బ‌స్ట‌ర్‌గా నిలిచిన ‘డాకు మ‌హారాజ్’ వ‌ర‌ల్డ్‌వైడ్‌గా ప్రేక్ష‌కుల‌ను అల‌రిస్తోంది. ఈ సంక్రాంతికి రాజు డాకు మహారాజు. ఈ మహారాజు బాక్సాఫీస్, హృదయాలను ఒకేలా శాసిస్తున్నారు. కుటుంబ భావోద్వేగాలతో నిండిన పరిపూర్ణమైన సంక్రాంతి ట్రీట్!” అని నిర్మాణ సంస్థ పేర్కొంది.
కాగా, ఈ చిత్రానికి మొద‌టి రోజు రూ.56 కోట్లకు పైగా వ‌సూళ్లు రాగా… రెండో రోజు ఈ క‌లెక్ష‌న్స్ రూ. 74కోట్లు దాటాయి. మూడో రోజు రూ. రూ.92కోట్లు క్రాస్ కావ‌డం విశేషం. అలాగే బాల‌య్య కెరీర్‌లోనే బిగ్గెస్ట్ ఓపెనింగ్ రాబ‌ట్టిన చిత్రంగానూ ‘డాకు మ‌హారాజ్’ నిలిచింది.
కాగా, ఈ మూవీలో బాల‌కృష్ణ స‌ర‌స‌న శ్రద్ధా శ్రీనాథ్, ప్రగ్యా జైస్వాల్, ఊర్వ‌శి రౌతేలా హీరోయిన్లుగా నటించారు. ఎస్ఎస్‌ తమన్ సంగీతం అందించిన ఈ చిత్రాన్ని సితార ఎంటర్టైన్ మెంట్స్ బ్యానర్ పై సూర్యదేవర నాగవంశీ నిర్మించారు.