అనుదీప్ దర్శకత్వంలో నవీన్ పోలిశెట్టి, రాహుల్ రామకృష్ణ, ప్రియదర్శి ప్రధాన పాత్రలో ప్రేక్షకుల ముందుకు వచ్చిన జాతి రత్నాలు. ఈ చిత్రం బాక్సాఫీస్ వద్ద ఘన విజయం సాధించడంతో పాటు మంచి వసూళ్లను కూడా రాబట్టింది. ఇక ఈ సినిమాలో ఫరియా అబ్దుల్లా హీరోయిన్ గా నటించింది. స్వప్న సినిమాస్ బ్యానర్ పై నాగ్ అశ్విన్ ఈ సినిమాను నిర్మించారు. కాగా ఈ సినిమాకు సీక్వెల్ ను ఇప్పుడు ప్లాన్ చేస్తున్నాడట దర్శకుడు.
మొదటి భాగంలో ముగ్గురు కుర్రాళ్ళు హైదరాబాద్ కు వచ్చి అక్కడ ఇలాంటి సమస్యను ఫేస్ చేశారు అన్న నేపథ్యంలో తెరకెక్కించగా ఈ సారి మాత్రం ఆ ముగ్గురు అమెరికా వెళ్తారట. ఈ సీక్వెల్ లో కూడా జాతి రత్నాలు తరహాలోనే ఫుల్ ఫన్ ఉంటుందట. కాగా ఈ చిత్రం ఎప్పుడు మొదలవుతుంది అనే వివరాలు త్వరలోనే తెలిసే అవకాశం ఉన్నట్లు సమాచారం. కానీ జాతి రత్నాలు సీక్వెల్ కన్నా ముందుగా నవీన్ పొలిశెట్టి తో ఓ సరికొత్త కథతో అనుదీప్ సినిమా చేయబోతున్నాడట.