రాజావారు రాణి గారు సినిమా తో హీరోగా పరిచయం అయ్యాడు కిరణ్ అబ్బవరం. ప్రస్తుతం కిరణ్ అబ్బవరం ప్రియాంక జవాల్కర్ హీరో హీరోయిన్ గా ఎస్ ఆర్ కళ్యాణమండపం చిత్రం తెరకెక్కుతోంది. శ్రీధర్ గాదె దర్శకత్వంలో తెరకెక్కిస్తున్న ఈ చిత్రంలో పాటలు ఇప్పటికే సినీ అభిమానులను ఎంతగానో ఆకట్టుకున్నాయి. చైతన్ భరద్వాజ్ అందించిన సంగీతం ఈ సినిమాకు హైలెట్ గా నిలిచింది.
ఇక తాజాగా ఈ చిత్రంలోని చూసాలే కళ్ళారా లిరికల్ వీడియో సాంగ్ 50 మిలియన్ల వ్యూస్ ను క్రాస్ చేసి రికార్డ్ క్రియేట్ చేసింది. ఈ సాంగ్ ముఖ్యంగా యూత్ ను ఆకట్టుకుంది. సిద్ శ్రీరామ్ పాడిన ఈ పాటకు కృష్ణ కాంత్ లిరిక్స్ అందించారు. ఇక ఇదే సినిమాలో చుక్కల చున్నీకే సాంగ్ కూడా ప్రేక్షకులను విశేషంగా ఆకట్టుకుంటోంది. కాగా ఈ సినిమాని ఎలైట్ ఎంటర్టైన్మెంట్ బ్యానర్ పై ప్రమోద్ రాజులు సంయుక్తంగా నిర్మించారు.