సంచలన దర్శకుడు రామ్ గోపాల్ వర్మ గురించి ఎంత చెప్పినా తక్కువే. నిత్యం ఏదో ఒక వివాదంతో వార్తల్లో నిలిచే రాంగోపాల్ వర్మ గతంలో సినీ ఇండస్ట్రీనే కాకుండా ఏపీ, తెలంగాణ రాజకీయాలను కూడా కెలికేశారు.
తాజాగా టిడిపి పార్టీ పై సంచలన వ్యాఖ్యలు చేశారు. టిడిపి పార్టీకి చంద్రబాబు ,నారా లోకేష్ కరోనా వైరస్ లాంటివారని.. అలాగే తారక్ ఆ వైరస్ కు వ్యాక్సిన్ అని చెప్పుకొచ్చారు. టిడిపి పగ్గాలు వీలైనంత తొందరగా ఎన్టీఆర్ కి ఇచ్చి.. నారా లోకేష్ అనే డేంజరస్ వైరస్ ని తరిమి కొట్టే లా టీడీపీ నాయకులు చర్యలు తీసుకోవాలని వారికి ఇదే తన సలహా అంటూ సంచలన ట్వీట్ చేశారు. ఇక ఇటీవల కాలంలో చాలా మంది టిడిపి నాయకులు టిడిపి పగ్గాలు ఎన్టీఆర్ ఇస్తే బాగుంటుందని వ్యాఖ్యలు చేసిన సంగతి తెలిసిందే. ఈ సమయంలో వర్మ చేసిన ఈ ట్వీట్ వైరల్ అవుతోంది.