టాలీవుడ్ అగ్రనటుడు రవితేజతో వంశీ డైరెక్ట్ చేస్తున్న సినిమా టైగర్ నాగేశ్వరరావు.. 1970 లలో పేరుమోసిన దొంగ జీవిత కథ ఆధారంగా తెర‌కెక్కున్న మూవీ ఇది. ఈ సినిమాలో బాలీవుడ్ యువ నటి నుపుర్ సనన్ కథానాయికగా నటిస్తోంది. అభిషేక్ అగర్వాల్ తన హోమ్ బ్యానర్ అభిషేక్ ఆర్ట్స్ పై తేజ్ నారాయణ్‌తో కలిసి నిర్మాత‌గా వ్య‌వ‌హ‌రించ‌నున్నారు. ఈ సినిమా షూటింగ్ ఇప్ప‌టికే ప్రారంభం కాగా, చిత్ర దర్శకుడు వంశీ మీడియాతో మాట్లాడుతూ.. కార్తికేయ 2 సినిమాలో చిన్న పాత్రలో నటించిన బాలీవుడ్ అగ్ర నటుడు అనుపమ్ ఖేర్ ఈ సినిమాలో ఇంటెలిజెన్స్ ఆఫీసర్ పాత్రను పోషించబోతున్నట్లు వెల్లడించారు.
ఇది చాలా కీలకమైన పాత్ర అని, ఈ క్యారెక్ట‌ర్ సినిమా అంతటా ఉంటుందిన్నారు. టైగర్ జీవితంలో కీలక పాత్ర పోషించే వ్యక్తి.. అతను ఢిల్లీకి చెందిన IB (ఇంటెలిజెన్స్ బ్యూరో) ఆఫీసర్‌గా అనుపమ్ ఖేర్ నటిస్తున్నాడని వంశీ వెల్లడించారు.
