సునీల్ హీరోగా ఒక‌ప‌క్క ..విల‌న్ గా..క్యారెక్ట‌ర్ ఆర్టిస్టుగా ఇలా అందివ‌చ్చిన అవ‌కాశాల‌ను అందిపుచ్చుకుంటున్నారు. కాగా ఆయన మ‌రోసారి హీరోగా మారారు. ఆయన న‌టిస్తున్న తాజా చిత్రం భువన విజయమ్..ఈ మూవీ పోస్టర్ .. వీడియోను రిలీజ్ చేశారు మేక‌ర్స్. ఈ సినిమాలో ఫీలింగ్ స్టార్ ప్రీతమ్ కుమార్’గా సునీల్ కనిపించ‌నున్నారు. స్టార్ హీరోగా ఆయన ఈ కథలో కనిపిస్తార‌నే విషయం అర్థమవుతోంది. 6 నెలలుగా రెగ్యులర్ కథలు వినీవినీ బోర్ కొట్టేసిందని ప్రీతమ్ కుమార్ అనడం .. చాలామంది దర్శకులు, రైటర్లు ఆయనకి కథలు వినిపించడం .. చివరికి ఆయన ‘భువన విజయమ్’ కథను ఎంచుకోవడమనేది ఈ వీడియోలో చూపించారు. హిమాలయ స్టూడియోస్ బ్యానర్ పై నిర్మితమవుతున్న ఈ సినిమాకి ఎలమంద చరణ్ దర్శకత్వం వహిస్తున్నాడు. శేఖర్ చంద్ర ఈ సినిమాకి సంగీతాన్ని సమకూర్చాడు. ఇతర ముఖ్యమైన పాత్రలలో వెన్నెల కిశోర్ .. శ్రీనివాస రెడ్డి .. పృథ్వీ .. గోపరాజు రమణ .. వైవా హర్ష కనిపిస్తున్నారు.
