టాలీవుడ్ నుంచి ప్రతి ఏడాది సంక్రాంతి, దసరా పండుగలకు భారీగా సినిమాలు రిలీజ్ అయ్యి ప్రేక్షకులను, అభిమానులను అలరిస్తుంటాయి. ఈ ఏడాది సంక్రాంతికి పలు సినిమాలు రిలీజ్ అయ్యి మంచి విజయం అందుకోగా రానున్న దసరా రిలీజ్ పై అందరి దృష్టి ఉంది. దసరా బరిలో ఏ సినిమాలు నిలుస్తాయి అని ఆసక్తిగా ఎదురు చూస్తున్నారు ప్రేక్షకభిమానులు. ఇక సినీ మేకర్స్ కూడా ఆ విధంగా ప్లాన్ చేసుకుంటున్నారు.
ఆ విధంగా ఇప్పటికే దసరా బారిలో ఎన్టీఆర్, కొరటాల శివల దేవర పార్ట్ 1 బెర్త్ ఖాయం చేసుకుంది. ఈ మూవీ అక్టోబర్ 10న రిలీజ్ కానుంది. ఇక ఈ సినిమాతో పాటు చందూ మొండేటి దర్శకత్వంలో నాగచైతన్య, సాయి పల్లవి ల కలయికలో తెరకెక్కుతున్న పేట్రియాటిక్ యాక్షన్ మూవీ ‘తండేల్’ కూడా దసరాకి రిలీజ్ అయ్యే ఛాన్స్ ఉంది. రీసెంట్‌గా దర్శకుడు చందూ ఓ ఇంటర్వూలో మాట్లాడుతూ చెప్పారు.
ఇక నటసింహం బాలకృష్ణ – బాబీ కాంబినేషన్‌లో రూపొందుతున్న యాక్షన్ మాస్ ఎంటర్టైనర్ కూడా దసరా బరిలో నిలవనున్నట్లు చెప్తున్నారు. ఇప్పటికే శరవేగంగా షూటింగ్ జరుపుకుంటున్న ఈ మూవీ రిలీజ్ కి సంబంధించి త్వరలో అఫీషియల్ కన్ఫర్మేషన్ వచ్చే అవకాశం ఉంది. అదే నిజం అయితే దసరా బరిలో టాలీవుడ్ నుండి మొత్తం మూడు బడా సినిమాల మధ్య బాక్సాఫిస్ క్లాష్ తప్పదని అంటున్నారు సినీ విశ్లేషకులు.