మాస్ మ‌హారాజా రవితేజ హీరోగా హ‌రీశ్ శంక‌ర్ ద‌ర్శ‌క‌త్వంలో ఓ కొత్త సినిమా తెర‌కెక్క‌నుంది. పీపుల్ మీడియా ఫ్యాక్టరీ బ్యానర్‌పై ప్రముఖ నిర్మాత టిజి విశ్వ ప్రసాద్ ఈ మూవీని నిర్మించనున్నారు. కాగా, తాజాగా ఈ మూవీనుంచి ఓ అప్‌డేట్ ఇచ్చారు మేక‌ర్స్. ఈ సినిమాలో మాస్ మ‌హారాజా రవితేజ జోడీగా నటించ‌నున్నది ఎవ‌రు అనే విష‌యం తెలిసిపోయింది.
యారియాన్ 2 ఫేమ్ `భాగ్యశ్రీ బోర్సే’ ఈ సినిమాలో హీరోయిన్‌గా న‌టించనుంది. ఈ విష‌యాన్ని సోష‌ల్ మీడియా వేదిక‌గా మూవీ యూనిట్ తెలియ‌జేసింది. ఇంకా ఈ చిత్రంలో ఎవ‌రెవ‌రు న‌టించ‌నున్నారు అనే విష‌యాలు త్వ‌ర‌లోనే వెల్ల‌డించే అవ‌కాశం ఉంది.