నందమూరి బాలకృష్ణ ప్ర‌ధాన పాత్రలో అనిల్ రావిపూడి దర్శకత్వం వ‌హించిన లేటెస్ట్ మూవీ ‘భగవంత్ కేసరి’. ద‌స‌రా కానుక‌గా ఇవ్వాల (అక్టోబర్ 19న) థియేట‌ర్ల‌లో గ్రాండ్ గా రిలీజ్ అయిన ఈ మూవీ.. ప్రేక్ష‌కుల నుంచి మంచి ఆదరణ పొందుతోంది.
అయితే, ఈ సినిమాకు సంబంధించిన ఓటీటీ రైట్స్ విషయం పై లేటెస్ట్ బ‌జ్ ఓక్క‌టి న‌డుస్తోంది. ఈ సినిమా డిజిటల్ రైట్స్‌ను అమెజాన్ ప్రైమ్ వీడియోస్ భారీ ధరకు దక్కించుకున్నట్లు తెలుస్తోంది. ఈ సినిమా విడుదలైన 50 రోజులకు ఓటీటీలో స్ట్రీమింగ్‌కు రానుందని సమాచారం.
అయితే, ఇప్పటి వరకు బాలయ్య సినిమాలు దాదాపుగా రాయలసీమ నేపథ్యంలోనే సాగేవి. కాగా, ఈ సినిమా మాత్రం తెలంగాణ నేపథ్యంలో తెరకెక్కింది. ‘వేములవాడ భీమకవి’, ‘నిప్పు రవ్వ’ తర్వాత బాలయ్య నటించిన తెలంగాణ నేపథ్య సినిమా ఇదే. ఈ సినిమాలో బాలకృష్ణ సరసన కాజల్ అగర్వాల్ నటించగా.. శ్రీలీల ఒక ముఖ్య పాత్రలో కనిపించింది. ఇక థమన్ త‌న బ్యాక్ గ్రౌండ్ మ్యూజిక్ తో ఆక‌ట్టుకున్న‌డు.