అల్ల‌రి న‌రేష్ న‌టిస్తున్న లేటెస్ట్ మూవీ ‘బ‌చ్చ‌ల మ‌ల్లి’. సుబ్బు మంగాదేవి ద‌ర్శ‌క‌త్వంలో తెర‌కెక్కుతున్న ఈ సినిమాలో అమృత అయ్యర్ క‌థ‌నాయిక‌గా నటిస్తొంది. హాస్య మూవీస్ పతాకంపై రాజేష్ దండా, బాలాజీ గుత్తా నిర్మిస్తున్న ఈ సినిమా షూటింగ్ పూర్తి చేసుకుని ప్రస్తుతం పోస్ట్ ప్రొడక్షన్ కార్యక్రమాలను జరుపుకుంటోంది. తాజాగా ఈ సినిమా విడుదల తేదీని ప్రకటించారు మేక‌ర్స్.
ఈ సినిమాని డిసెంబ‌ర్ 22న ప్రేక్ష‌కుల ముందుకు తీసుకురానున్న‌ట్టు ప్రకటించారు. 1990వ ద‌శ‌కంలో తుని ప్రాంతంలో జ‌రిగిన కొన్ని య‌దార్థ సంఘ‌ట‌న‌ల స్పూర్తితో ఈ సినిమాని తెర‌కెక్కుతుండ‌గా.. ఈ సినిమాలో రావు రమేశ్, హరితేజ, ప్రవీణ్ తదితరులు కీల‌క పాత్ర‌ల్లో క‌నిపించ‌నున్నారు.