దర్శకధీరుడు రాజమౌళి దర్శకత్వంలో యంగ్ టైగర్ ఎన్టీఆర్ మెగా పవర్ స్టార్ రామ్ చరణ్ హీరోగా తెరకెక్కుతున్న చిత్రం ఆర్ఆర్ఆర్. బాహుబలి సినిమా తర్వాత రాజమౌళి తెరకెక్కిస్తున్న సినిమా కావడంతో ఈ సినిమాపై భారీ అంచనాలు నెలకొన్నాయి. అయితే ఈ సినిమాలో రామ్ చరణ్ అల్లూరి సీతారామరాజుగా, ఎన్టీఆర్ కొమరం భీమ్ గా కనిపించనున్నాడు. అలాగే ఈ ఇద్దరికి సంబంధించిన వీడియోలను కూడా చిత్ర యూనిట్ రిలీజ్ చేసింది.
అందులో అక్టోబర్ 22న రామరాజు ఫర్ భీం వీడియో రిలీజ్ అయింది. ఈ వీడియో ప్రస్తుతం 50 మిలియన్ లకు పైగా వ్యూస్ ను సాధించింది. అంతేకాకుండా టాలీవుడ్ ఇండస్ట్రీలో 50 మిలియన్ వ్యూస్ మార్క్ అందుకున్న మొట్టమొదటి టీజర్ గా రికార్డ్ క్రియేట్ చేసింది. ఇక ఈ సినిమాలో రాంచరణ్ సరసన అలియాభట్, ఎన్టీఆర్ సరసన ఒలివియా మోరిస్ నటిస్తున్నారు. అలాగే అజయ్ దేవగన్ కూడా ఈ సినిమాలో కీలక పాత్ర పోషిస్తున్నారు.
