స్టైలిష్ స్టార్ అల్లు అర్జున్ హీరోగా సుకుమార్ దర్శకత్వంలో తెరకెక్కుతున్న చిత్రం పుష్ప. గంధపు చెక్కల స్మగ్లింగ్ నేపథ్యంలో తెరకెక్కుతున్న ఈ చిత్రంలో అల్లు అర్జున్ లారీ డ్రైవర్ పుష్ప రాజ్ గా కనిపించబోతున్నాడు. ఇక అల్లు అర్జున్ సరసన రష్మీక మందన్న హీరోయిన్ గా నటిస్తోంది. అయితే ఈ సినిమా రెండు పార్టులుగా రిలీజ్ కాబోతున్న సంగతి తెలిసిందే.
కాగా తాజా సమాచారం ప్రకారం ఈ సినిమాలో విలన్ అయిన ఫహాద్ ఫాజిల్ పాత్ర రెండో పార్ట్ లో ఎక్కువగా ఉంటుందట. మొదటి పార్ట్ లో ఆఖరి అరగంట కనిపిస్తాడట. దీంతో పుష్ప ఫస్ట్ పార్ట్ విలన్ పరిస్థితి ఏంటి అనేది ఇప్పుడు ప్రశ్న గా మారింది. పార్ట్ 1 లో మరో కీలక విలన్ కనిపించే అవకాశం ఉందంటున్నారు. మొదటి పార్ట్ విలన్ కోసం ఎవరిని ఎంపిక చేస్తారు అనేది చూడాలి.