‘అన్నపూర్ణ ఫోటో స్టూడియో’. ”ఇచ్చట అందమైన ఫోటోలు తీయబడును” అనేది ఉపశీర్షిక. పెళ్లి చూపులు, డియర్‌ కామ్రేడ్‌, దొరసాని వంటి సినిమాల నిర్మాణసంస్థ బిగ్‌ బెన్‌ సినిమాస్‌ బ్యానర్‌ లో ఈ చిత్రాన్ని నిర్మిస్తోంది.
’30 వెడ్స్‌ 21′ ఫేమ్‌ చైతన్య రావు హీరోగా, లావణ్య హీరోయిన్‌ గా నటిస్తున్నారు. తాజాగా ఈ చిత్రం నుంచి సెకండ్‌ లిరికల్‌ సాంగ్‌ను దర్శకుడు తరుణ్‌ భాస్కర్‌ చేతుల మీదుగా విడుదల చేశారు..
ఈ సందర్భంగా తరుణ్‌ భాస్కర్‌ మాట్లాడుతూ ” ఈ పాట నిజంగా చాలా బావుంది. మళ్లీ మళ్లీ వినాలని ఉంది. సినిమాకు మంచి వైబ్‌ ఉంది. అన్నారు.
హీరో చైతన్య రావు మాట్లాడుతూ ” అన్నపూర్ణ ఫోటో స్టూడియోలో వెన్నెల్లో ఆడపిల్ల అనే ఈ సెకండ్‌ సాంగ్‌ నాకు చాలా చాలా ఇష్టమైన పాట. ఫస్ట్‌ సాంగ్‌ రంగమ్మ చాలా వైరల్‌ అయింది. ఈ సెకండ్‌ సాంగ్‌ అంతకంటే ఎక్కువ వైరల్‌ కావాలని మనస్ఫూర్తిగా కోరుకుంటు-న్నాను. త్వరలోనే ఈ సినిమా విడుదల తేదీని ప్రకటిస్తాం. ఒక మంచి సినిమాతో మీ ముందుకు వస్తోన్న మా అందరినీ సపోర్ట్‌ చేయాలని కోరుకుంటు-న్నాను.. అన్నారు.
హీరోయిన్‌ లావణ్య మాట్లాడుతూ.. సినిమా చాలా బాగా వచ్చింది. ఈ విజువల్స్‌ మీకు బాగా నచ్చుతాయి. నా కో యాక్టర్స్‌ అంతా ఎంతో సహకరించారు. మేమంతా కొత్తవాళ్లమైనా మమ్మల్ని ప్రోత్సహిస్తున్న ఇచ్చిన నిర్మాత యశ్‌ రంగినేనిగారికి ధన్యవాదాలు.. అన్నారు.
గీత రచయిత శ్రీనివాస్‌ మౌళి కూడా మాట్లాడారు. ఈ వేసవిలోనే విడుదలకు సిద్ధమవుతోన్న ఈ చిత్రంలో చైతన్య రావ్‌, లావణ్య, మిహిరా, ఉత్తర, వైవా రాఘవ, లలిత్‌ ఆదిత్య తదితరులు నటిస్తున్నారు.
సంగీతం : ప్రిన్స్‌ హెన్రీ, సినిమాటోగ్రఫీ : పంకజ్‌ తొట్టాడ, నిర్మాత : యష్‌ రంగినేని, రచన దర్శకత్వం: చెందు ముద్దు.