యంగ్రీమ‌న్‌ రాజ‌శేఖ‌ర్ క‌థ‌లను ఎంపిక చేసుకునే విధానం పూర్తిగా మారిపోయింద‌నే చేప్పాలి. కొంత కాలంగా వ‌రుస ఫ్లాపుల‌తో స‌త‌మ‌త‌మ‌వుతున్న రాజ‌శేఖ‌ర్‌కు 2017లో రిలీజైన ‘గ‌రుడ వేగ’ క‌మ‌ర్షియ‌ల్‌గా మంచి విజ‌యం సాధించి కాస్త ఊర‌టనిచ్చింది. ఈ చిత్రం త‌ర్వాత వ‌చ్చిన కల్కి కూడా క‌మ‌ర్షియ‌ల్‌గా మంచి ప్ర‌శంస‌ల‌నే ద‌క్కించుకుంది. ఇక కల్కి త‌ర్వాత మూడేళ్లు గ్యాప్ తీసుకుని శేఖ‌ర్ సినిమాతో ప‌లకరించ‌డానికి సిద్ధ‌మవుతున్నాడు. రాజ‌శేఖ‌ర్ స‌తీమ‌ణి జీవిత ఈ చిత్రానికి ద‌ర్శ‌క‌త్వం వ‌హించారు. మ‌ల‌యాళంలో సూప‌ర్ హిట్ట‌యిన “జోసేఫ్” సినిమాకి రీమేక్‌గా తెర‌కెక్కిస్తోన్న సినిమా ఇది. అయితే తాజాగా ఈ మూవీ రిలీజ్ డేట్ ని విడుద‌ల చేశారు మూవీ మేక‌ర్స్.
స‌స్పెన్స్ థ్రిల్ల‌ర్‌గా తెర‌కెక్కిన ఈ చిత్రాన్ని మే 20న థియేట‌ర్ల‌లో విడుద‌ల కానున్నట్లు వెల్ల‌డించారు చిత్ర నిర్మాత‌లు. ఇప్ప‌టికే విడుద‌లైన టీజ‌ర్, పోస్ట‌ర్స్, పాట‌లు ప్రేక్ష‌కుల‌ను బాగా ఆక‌ట్టుకున్నాయి. ఈ సినిమాలో రాజ‌శేఖ‌ర్ పెద్ద కూతురు శివానీ కీల‌కపాత్ర‌లో న‌టించింది. ఈ చిత్రానికి మొద‌ట ల‌లిత్ ద‌ర్శ‌క‌త్వం వ‌హించాడు. కానీ, కొన్ని కార‌ణాల వ‌ల్ల అత‌ను త‌ప్పుకున్నాడు. దాంతో జీవిత ఈ చిత్రానికి ద‌ర్శ‌క‌త్వం వ‌హించింది. అనూప్ రూబెన్స్ సంగీతం అందించిన ఈ చిత్రాన్ని బీర‌మ్ సుధాక‌ర్ రెడ్డి నిర్మించాడు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..