తన భర్త తప్పు చేయడని.. ఇది తప్పుడు కేసుని అన్నారు యాంకర్ శ్యామల.నాకు ఈ విషయం మీడియా వాళ్ల ద్వారానే తెలిసింది. టీవీలో చూసి తెలుసుకున్నాను. అయితే ఇది తప్పుడు ఆరోపణలు అని ఖచ్చితంగా చెప్పగలను. కోటి రూపాయిల కోసం ఒక ఆడపిల్లని మోసం చేయాల్సిన అవసరం కానీ అలాంటి వ్యక్తిత్వం కానీ నా భర్త నరసింహది కాదని అన్నారు శ్యామల. దానికి నేనే మీకు పర్ఫెక్ట్ ఉదాహరణ అని అన్నారు.
ఎందుకంటే నేను నరసింహను పెళ్లి చేసుకుని పదేళ్లు అయ్యింది. చాలా హ్యాపీగా ఉంటున్నాం. ఈ పదేళ్లలో ఒక్కసారైనా ఆ వ్యక్తి ఎలాంటి వాడో తెలుస్తుంది కదా. నా భర్త డబ్బుల కోసం అమ్మాయిలతో ఆడుకునే క్యారెక్టర్ కాదు.మేము మొన్నే ఆయన సొంత ఊరు చీరాల నుంచి వచ్చాం. నాకు జర్నీవల్ల ఫీవర్ వచ్చి అలిసిపోవడంతో పడుకున్నా.. రాత్రి ఇంటికి వచ్చారో లేదో కూడా నాకు తెలియదు. ఈలోపు అరెస్ట్, ఛీటింగ్ అని వార్తలు వచ్చాయి. ఆయన అరెస్ట్ నాకు నిజంగా తెలియదు. ఇంటికి వస్తారులే అనుకున్నా కానీ ఇంత హడావిడి అవుతుందని అనుకోలేదు.
జరిగేది జరుగుతుంది..నిజం ఏంటో తెలుస్తోంది. అప్పటి వరకూ తప్పుడు ఆరోపణలపై న్యూస్ ప్రసారం చేయొద్దు. నిజాలను చూపించండి.
ఒక అమ్మాయి కేసు పెట్టింది కాబట్టి నిజా నిజాలు విచారించముందే తీసుకుని వెళ్లి స్టేషన్‌లో పెడతారు. ఆ మినిమమ్ నాలెడ్జ్ నాకు కూడా ఉంది. కానీ వాస్తవం ఏంటో త్వరలో తెలుస్తోంది.నా భర్తతో పాటు మరో మహిళను కూడా రిమాండ్‌కి తరలించారని అంటున్నారు. అందుకే చెప్తున్నా నాకు కొంచెం టైం ఇవ్వండి. నేను కూడా ఏం జరిగిందో తెలుసుకుంటా. నేను మా ఆయన గురించి అయితే చెప్పగలను కానీ వేరే వాళ్ల గురించి చెప్పలేను కదా!! పోలీసుల వైపు నుంచి మాకు ఎలాంటి సమాచారం లేదు. నా భర్త వైపున నిలబడతా.. ఎందుకంటే అతనేంటో నాకు తెలుసు.
ఆ మహిళతో నరసింహకు చాలా కాలంగా సంబంధం ఉంది. గొడవలు అవుతున్నాయని ప్రచారం చేస్తున్నారు. ఈ ఇష్యూ నాకు ఇప్పటి వరకూ తెలియదు. నా భర్తని అడిగి తెలుసుకుంటా ఏమైందని. ముందు మా మామయ్య వాళ్లకి సమాచారం ఇచ్చాను. వాళ్లు వచ్చిన తరువాత నరసింహను కలిసి మాట్లాడతాం. అయితే ఇది తప్పుడు కేసు కాబట్టి మేం పెద్దగా వర్రీ కావడం లేదు. త్వరలోనే ప్రెస్ మీట్ పెట్టి అన్ని వివరాలు తెలియజేస్తానని అన్నారు యాంకర్ శ్యామల.