పాన్ ఇండియా హీరో రెబల్ స్టార్ ప్రభాస్ హీరోగా నటించిన కల్కి 2898 AD సినిమా ప్రపంచ వ్యాప్తంగా విజయవంతంగా ప్రదర్శించబడుతోంది. వసూళ్ల పరంగా కూడా కల్కి సినిమా దుమ్ము లేపుతోంది. ఇప్పటికే 680 కోట్ల వసూలను రాబట్టిన సినిమా ఈ వారం చివరకు వేయి కోట్ల మార్కును దాటేసే దిశగా కలెక్షన్లను రాబడుతోంది. ఇకపోతే నార్త్‌ ఇండియాలో కూడా కల్కి తన ప్రదర్శనలను బాగానే కొనసాగిస్తోంది.
ఈ దెబ్బకు బాలీవుడ్ లో రిలీజ్ కావాల్సిన ఓ స్టార్ హీరో సినిమా వాయిదా పడింది. హీరో అజయ్ దేవగన్, హీరోయిన్ టబు జంటగా నటించిన చిత్రం “అరూన్ మైన్ కహాన్ దామ్ తాషా. ఈ సినిమా జూలై 5న విడుదల కావాల్సి ఉండ‌గా.. వచ్చే వారానికి రిలీజ్ చేసే విధంగా ప్లాన్ చేస్తున్నట్లు సమాచారం. ఈ నేపథ్యంలో మేకర్స్ ప్రకటించారు. నీరజ్ పాండే ఈ చిత్రానికి దర్శకత్వం వహించారు. ఫ్రైడే ఫిల్మ్ వర్క్స్, NH స్టూడియోస్‌ కలిసి ఈ చిత్రాన్ని నిర్మించింది.
