అల్లు అర్జున్ సోదరుడు అల్లు శిరీష్ సినిమాలతో పాటు, ఆరోగ్యం, ఫిట్ నెస్‌ పై కూడా దృష్టి పెట్టాడు. ఈ యంగ్ హీరో ఇటీవల తన బరువును తగ్గించి, స్లిమ్, ఫిట్ లుక్ లో అద్భుతంగా కనిపించాడు. అల్లు శిరీష్ జిమ్ లో వర్కౌట్స్ చేసిన అనంతరం తీసుకున్న మిర్రర్ సెల్ఫీలో సిక్స్ ప్యాక్ లుక్ తో ఆకట్టుకుంటున్నాడు. ఈ పిక్స్ ఇప్పుడు నెట్టింట రచ్చ చేస్తున్నాయి. అల్లు శిరీష్ షేర్ చేసిన పిక్స్ ఇప్పుడు సోషల్ మీడియాలో వైరల్ అవుతున్నాయి.
కాగా చాలాకాలం నుంచి సినిమాలకు దూరంగా ఉన్న అల్లు శిరీష్ ఇటీవలే “విలాయతి శరబ్” అనే హిందీ ప్రైవేట్ ఆల్బమ్ సాంగ్ తో ప్రేక్షకులను అల్లరించారు. త్వరలోనే కొత్త సినిమాలను కూడా మొదల పెట్టనున్నాడు. అందులో భాగంగా ఇలా కొత్త లుక్ కోసం ట్రై చేస్తున్నట్లు తెలుస్తోంది.