స్టైలిష్ స్టార్ అల్లుఅర్జున్ ప్రస్తుతం సుకుమార్ దర్శకత్వంలో పుష్ప సినిమా చేస్తున్న సంగతి తెలిసిందే. గంధపు చెక్కల స్మగ్లర్ నేపథ్యంలో తెరకెక్కుతున్న ఈ సినిమాలో అల్లు అర్జున్ సరసన రష్మీక మందన్న నటిస్తోంది. ఇక ఈ సినిమాలో లారీ డ్రైవర్ పుష్ప రాజుగా అల్లుఅర్జున్ కనిపించబోతున్నాడు. ఈ సినిమాను రెండు పార్టులుగా రిలీజ్ చేయబోతున్నారు. అలాగే ఇప్పటికే విడుదలైన టీజర్ ప్రేక్షకులను విశేషంగా ఆకట్టుకుంది.
అయితే దీంతో పాటు అల్లు అర్జున్ మరో పాన్ ఇండియా చిత్రానికి రెడీ అవుతున్నట్లు తెలుస్తోంది. అదే ఐకాన్. ఈ సినిమా కోసం అభిమానులు ఎప్పటి నుంచో ఎదురు చూస్తున్నారు. వేణు శ్రీరామ్ దర్శకత్వంలో రాబోతున్న ఈ చిత్రం ప్రీ ప్రొడక్షన్ పనులు శరవేగంగా జరుపుకుంటుంది. అలాగే మ్యూజిక్ డైరెక్టర్ తమన్ ను లాక్ చేసేందుకు కూడా సిద్ధమవుతున్నారట. కాగా హీరోయిన్ ఎవరు అనేది ఇంకా ఫిక్స్ కాలేదు. అయితే ఈ సినిమాకు సంబంధించి అధికారిక ప్రకటన మాత్రం ఎక్కడా రాలేదు. మరి ఇందులో ఎంతవరకు నిజం ఉందో తెలియాలంటే చిత్రయూనిట్ నుంచి క్లారిటీ రావాల్సిందే.