టాలీవుడ్‌ స్టైలిష్‌ స్టార్‌ అల్లు అర్జున్ ఎప్పటిలాగే ఈ ఏడాది కూడా గీతా ఆర్ట్స్‌ ఆఫీస్‌లో గణేష్ చతుర్థి వేడుకలు ఘనంగా నిర్వహించాడు. ఆగస్ట్ 31న వినాయక చవితి రోజున ఆఫీస్‌లో గణపతిని ఉంచి ప్రత్యేక పూజలు నిర్వహించాడు. ఆరు రోజుల పాటు అల్లు అర్జున్‌తోపాటు అతని ఆఫీస్‌లోని స్టాఫ్‌ అంతా ఘనంగా పూజలు చేశారు.
సోమవారం (సెప్టెంబర్‌ 5) ఆ గణేషున్ని నిమజ్జనం చేశారు. అల్లు అర్జున్ తన బృందంతో కలిసి గణేష్ నిమజ్జనంలో పాల్గొన్న వీడియో వైరల్‌గా మారింది. వీధుల్లో వినాయకుని ఊరేగింపులో పాల్గొనడానికి అతను వెనుకాడాలేదు. తన కుమార్తె అర్హతో కలిసి భగవంతునికి వీడ్కోలు పలుకుతూ కొబ్బరికాయ కూడా పగలగొట్టాడు అల్లు అర్జున్. ఊరేగింపు సందర్భంగా రోడ్డుపై గణపతి ముందు అర్జున్ స్టెప్పులేశాడు. అతన్ని చూడటానికి అభిమానులు పెద్ద ఎత్తున తరలి వచ్చారు.
